DOGA狗瑜伽:你又試過未?

0

doga cover(原圖片來源:Reddit)

正所謂健身健心,除左做GYM之外瑜伽都可以強身健體嘅!外國就有位毛臣POST左佢主人係屋企做瑜伽嘅英姿,又拗腰又挺胸,絕對係有姿勢有實際!

狗瑜伽係咩玩法?

狗瑜伽其實源於外國,致在於提升人同狗狗嘅協調性,某部份狗瑜伽動作會抬住,抱住或者比狗狗踩住黎做,另外一啲就直程同狗狗一齊進行拉筋,所以係需要專業人士去指導,唔係就好容易會整傷狗狗架啦!

狗瑜伽招式

第一式:神咁拜(難度:★★)
狗瑜伽第一式

(圖片來源:Mailonline)

呢個動作相對黎講比較入門,左腳半腳右腳拉長,然後將主人抬高,好似神咁拜就當合格。

第二式:騎牛牛(難度:★★★)

狗瑜伽第二式

(圖片來源:Fuzfeed)

跪低,背部攤平,左手升起,比主人騎住。呢個動作難在要主人乖乖咁騎係上面唔郁。

第二式:向後拱橋(難度:★★★★★)

狗瑜伽第三式

(圖片來源:Fuzfeed)

本身拱橋己經難,重要比主人企係上面,諗起都登條腰痛呀!

狗瑜伽有咩好?

專家話除左可以增加狗狗同主人默契,更加會令狗狗更加健康同長壽!原因係當兩者進行"人狗合一"嘅時候,狗狗會減低緊張嘅感覺同埋降壓,心情會更加輕鬆!諗諗下又好似係喎,各位毛臣不妨由第一式開始試下!

Share.

About Author

專業級剷屎官,至今己經服侍超過了二十多位毛神,把吃喝玩樂的趣事紀錄下來並發佈,以加深人類對毛神神的了解。

Leave A Reply